// 思 鄉
嚟左1個多月，仲係好思鄉。話說英國菜唔係我條菜，三文治食到口淡又唔飽，唯有每星期到附近Chinese Supermarket入貨，食到熱辣辣出前丁丁同香港味的垃圾零食真係好滾動，不過價錢比起香港買貴差唔多一倍。正打算嗲娘親寄一箱零食畀我 (奸笑)
話說仍然每晚發夢見到屋企人，夢到屋企隻小狗，尋晚仲夢到執行李執小學作文嚟英國 (?)，懷疑思鄉到傻左。
好多英人問我適應成點，我每次都禮貌答已經適應好多，雖然大部份日子仍然很不想長大地聽903同食出前丁丁。
來這裹是因為愛情，但係我唔會將「我為左你搬到地球另一角落」掛在口邊，雖然香港真係好好，不過都一場嚟到，就好好活下去。
尋晚發完奇怪夢後半夜情緒突然失控，佢即刻攬著我話You are not alone又真係安心。
好啦，我同自己講，瞓啦柒頭。
Search